ރާއްޖޭގައި އަރަބި ބަހުގެ އިންސްޓިޓިއުޓެއް ހުޅުވަން މަޝްވަރާކޮށްފި

އިސްމާއިލް ރިޒާ

21 ޖުލައި 2024 - 20:28

0 comments

އަލް-އިމާމް އިބްނު ސަޢޫދު އިސްލާމިކް ޔުނިވަސިޓީގެ މަންދޫބުންނާ ބައްދަލުކުރެއްވުމުގެ ތެރެއިން

ބޭރުގެ ޔުނިވަސިޓީއެއްގެ ކެމްޕަހެއް ފުރަތަމަ ފަހަރަށް ރާއްޖޭގައި ގާއިމުކުރުމުގެ މަޝްވަރާތައް ފަށައިފި އެވެ.

މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީ ކުރުމާ ބެހޭ ވުޒާރާއިން ވަނީ އަލް-އިމާމް މުޙައްމަދު އިބްނު ސަޢޫދު އިސްލާމިކް ޔުނިވަސިޓީގެ މަންދޫބުންނާ ބައްދަލުކުރައްވާފައެވެ.

އެ ވުޒާރާއިން އެކްސްގައި ކޮށްފައިވާ ޕޯސްޓެއްގައިވަނީ ވުޒާރާގެ އިސް ބޭފުޅުންނާއި ޔުނިވާސިޓީގެ މަންދޫބުން ބައްދަލުކުރައްވާ ޢަރަބި ބަހުގެ އިންސްޓިޓިއުޓެއް ހުޅުވުމާ ބެހޭގޮތުން މަޝްވަރާކުރައްވާފައިވާ ކަމަށެވެ.

މި މައްސައްކަތުގެ މަގުސަދަކީ ސަގާފީ ގުޅުންތައް ބަދަހިކޮށް ބަހުގެ ފެންވަރު މަތިކުރުން ކަމަށް އެ ވުޒާރާއިން ބުންޏެވެ.

"އަރަބި ބަސް މި ރާއްޖޭގެ ސްކޫލުތަކަށް ފޯރުކޮށްދިނުމަށްޓަކައި ބޭނުންވާ މީހުން މީގެ ތެރެއިން ތަމްރީންވާނެ،" ނަޒީރު ވިދާޅުވި އެވެ.

އޭނާ ވިދާޅުވީ ރާއްޖޭގައި މަތީ ތައުލީމު ހާސިލްކުރާ ފަސް ޕަސަންޓް ދަރިވަރުންނަކީ ބޭރުގެ ދަރިވަރުންނަށް ހެދުމަކީވެސް ސަރުކާރުގެ އަމާޒެއް ކަމަށެވެ. އެކަމުގެ ސަބަބުން އިގްތިސާދީ ގޮތުން ލިބޭނެ ފައިދާތަކެއް ހުންނާނެ ކަމުގައިވެސް ވިދާޅުވި އެވެ.

ސައުދީގެ ޔުނިވަސިޓީގެ ވަފްދަށް ޝަފީއު އާއި ނަޒީރު ވަނީ ރާއްޖެގައި ޔުނިވަސިޓީއެއްގެ ކެމްޕަހެއް ހިންގަން ބޭނުންވާނަމަ އަމަލުކުރަންވީ ގޮތްތައް އޮޅުން ފިލުއްވައިދެއްވާފަ އެވެ.