ނޭވާލާ ނިޒާމަށް ޖެހޭ ބައްޔެއް ހަލުއިކަމާ އެކު ކުޑަކުދިންގެ މެދުގައި ފެތުރެނީ

އަލީ ރާޒީ

25 ސެޕްޓެމްބަރ 2024 - 12:37

0 comments

ނޭވާލާ ނިޒާމު ބަލިކަށިކުރުވާ ވައިރަހެއް ކަމަށްވާ، ރެސްޕިރޭޓޮރީ ސިންސީޝިއާ ވައިރަސް ކުޑަކުދިންގެ މެދުގައި އިތުރުވާންފަށައިފި އެވެ.

އެޗްޕީއޭ އިން މިއަދު ބުނީ، ރެސްޕިރޭޓަރީ ސިންސިޓިއަލް ވައިރަސް (އާރްއެސްވީ) ފެތުރުން މި ދުވަސްވަރު އިތުރުވެފައިވާ ކަމަށާއި މި ވައިރަސް އާންމުކޮށް ފެތުރެނީ ކުޑަކުދިންގެ މެދުގައި ކަމަށެވެ.

މިއީ ކުޑަކުދިންނާއި އުމުރުން ދުވަސްވީ މީހުންނަށް ބޮޑަށް ނުރައްކާވާ ވައިރަހެކެވެ.

އެ އިދާރާއިން ބުނީ މި ބައްޔަށް ފަރުވާ ހޯދުން އަވަސްކޮށްފި ނަމަ ބަލިން ސަލާމަތް ވުން އަވަސްވާނެ ކަމަށެވެ.

އެޗްޕީއޭއިން ބުނީ މި ބަލީގެ ހާލަތު ގާތުން މޮނިޓާކުރަމުން އަންނަ ކަމަށެވެ.

އެޗްޕީއޭ އިން ވަނީ ހުން އައުމާއި ކެއްސުމާއި ނޭވާލުމަށް އުނދަގޫވާނަމަ، ވީއެންމެ އަވަހަކަށް ޑޮކްޓަރުގެ ފަރުވާ ހޯދުމަށް އިލްތިމާސްކޮށްފަ އެވެ.