އިއްޔެ ދަރަވަންދޫ އަށް 65 މޭލަށް ވައިގަދަވި

އައިމިނަތު ޝިޔާޒާ

12 އޮކްޓޫބަރ 2024 - 14:53

0 comments

އިއްޔެ އެންމެ ވައިގަދަވީ ދަރަވަންދޫއަށް ކަމަށް މޯލްޑިވްސް މީޓިިއޮރޮލޮޖިކަލް ސާވިސް (މެޓް އޮފީސް) އިން މިއަދު އާންމުކުރި ތަފާސް ހިސާބުތަކުން ދައްކައިފި އެވެ.

މެޓް އޮފީހުން މިއަދު އާންމުކުރި ރެކޯޑުތަކުން ދައްކާ ގޮތުގައި، އިއްޔެ ރޭގެ މެންދަމު 12:00 އިން ރޭ މެންދަމު 12:00 އާ ދެމެދު، އެންމެ ވައިބާރުވީ ބ. ދަރަވަންދު އަށެވެ. އެ ރަށަށް ވަނީ ވިލާގަނޑުގައި 65 މޭލަށް ވައިބާރުވެފަ އެވެ.

މިދިޔަ ބުދަ ދުވަހު ވެސް އެންމެ ވައިބާރުވީ ދަރަވަންދުއަށެވެ. އެ ދުވަހު އެ ރަށަށް ވަނީ 55 މޭލަށް ވައިޖެހިފަ އެވެ.

ރާއްޖޭގެ އެކި ސަރަހައްދުތަކަށް މިހާރު ކުރަމުންދާ ވިއްސާރައިގައި ކަނޑު ދަތުރުފަތުރުކުރުމަށް ސަމާލުކަން ދިނުމަށް ކަމާބެހޭ އިދާރާތަކުން އިލްތިމާސްކޮށްފައިވެ އެވެ. މެޓް އޮފީހުން ވަނީ ނ. އަަތޮޅުން ފެށިގެން ތ. އަތޮޅަށް މިއަދުގެ އިރުއޮއްސި ހައެއް ޖަހަންދެން ހުދު ސަމާލު ނެރިފަ އެވެ.

ފާހަގަކޮށްލެވޭ ގޮތުގައި، މިދިޔަ ހަތަރު ރާއްޖޭގެ އެކި ސަރަހައްދުތަކަށް އަންނަނީ ވިއްސާރަ ކުރަމުންނެވެ.

އެގޮތުން، މާލެއަށް މިއަދު ކުރި ވިއްސާރައިގައި ވަނީ މާވެޔޮމަގު ކައުންޓްލައިން ފިހާރަ ސަރަހައްދުގައި ހުރި ބޮޑު ގަހެއް ވެއްޓި އެ ސަރަހައްދުގައި ޕާކުކޮށްފައިހުރި ބައެއް އުޅަނދުތަކަށް ގެއްލުންވެފައެވެ.