ކޫއްޑޫ އެއާޕޯޓް ވަރަށް އަވަހަށް ހުޅުވާނަން: އަމީން

އިސްމާއިލް ރިޒާ

12 އޮކްޓޫބަރ 2024 - 21:31

0 comments

ޓްރާންސްޕޯޓް މިނިސްޓްރަރު މުހައްމަދު އަމީން - ފޮޓޯ: މިހާރު

ގައުމީ އެއާލައިން މޯލްޑިވިއަނުން ގއ. ކޫއްޑޫއަށް ކުރަމުން އައި ދަތުރުތައް ހުއްޓައިލީ ދިގު މުއްދަތެއްގައި އެ އާޕޯޓު މެއިންޓެއިން ނުކުރެވުމުގެ ސަބަބުން ކަމަށާއި، ވަރަށް އަވަހަށް އެ ތަން އާންމު ހާލަތަށް ގެންނާނެ ކަމަށް ޓްރާންސްޕޯޓު މިނިސްޓަރު މުޙައްމަދު އަމީން މިއަދު ވިދާޅުވެއްޖެއެވެ.

ކޫއްޑޫ އެއާޕޯޓަށް ގައުމީ އެއާލައިން -- މޯލްޑިވިއަން އިން ކުރަމުން ދިޔަ ދަތުރުތައް މިވަގުތު ވަނީ މެދުކަނޑާލާފަ އެވެ. އެއީ ކޫއްޑޫ އެއާޕޯޓްގެ ރަންވޭ ވަރަށް ބޮޑަށް ހަލާކުވެ މަރާމާތު ކުރަންޖެހިފައިވާތީ އެވެ.

މިނިސްޓަރު އަމީންވެސް މިއަދު ވިދާޅުވީ މޯލްޑިވިއަން އިން ކޫއްޑޫއަށް ކުރަމުން ދިޔަ ދަތުރުތައް ހުއްޓާލަން ނިންމީ ދިގު މުއްދަތަކަށް އެއާޕޯޓް މަރާމަތު ނުކުރެވި އަދި ރަންވޭގެ އޮތް ހާލަތުގެ ސަބަބުން ދެ ބޯޓަކަށް ގެއްލުން ލިބުމާ ގުޅިގެންނެވެ.

ކޫއްޑޫއަށް ކުރާ ދަތުރުތައް ހުއްޓާލަން ނިންމީ ދަތުރުވެރިންގެ ސަލާމަތްތެރިކަން ކަށަވަރުކުރުމަށްޓަކައި ކަމަށް މޯލްޑިވިއަނުން ބުނެފައިވެއެވެ. އަދި ރަންވޭގެ މައްސަލަތައް ހައްލުވިހާ އަވަހަށް ދަތުރުތައް ފަށާނެ ކަމަށް ވެސް ބުންޏެވެ.

ކޫއްޑޫ އެއާޕޯޓު ތަރައްގީކުރީ، 2011 ވަނަ އަހަރު އޭރުގެ ސަރުކާރުން ދިގުރަށް ކިޔާ ފަޅު ރަށެއްގައި ރިސޯޓެއް ތަރައްގީކުރުމަށް 50 އަހަރަށް ބޮނަވެއްޗާ މޯލްޑިވްސްއާ ހަވާލުކޮށްގެން އެވެ.

ފަންސަވީސް އަހަރަށް އެއާޕޯޓު ހިންގައި ތަރައްގީ ކުރުމަށް 2012 ވަނަ އަހަރު ޑރ. މުހައްމަދު ވަހީދު ހަސަން މަނިކުގެ ސަރުކާރުން ހަވާލުކޮށްފައިވަނީ، ސިންގަޕޫރުގެ ކިއޮން ހޮންގް ކޮންސްޓްރަކްޝަނާއި އެލިސަން ކޮންސްޓްރަކްޝަން ކުންފުނި ގުޅިގެން އުފައްދާފައިވާ ކޭއެޗްއޭ ކޮންސްޓްރަކްޝަންއާއެވެ.