ލީޑިން ޑެސްޓިނޭޝަން އެވޯޑް 5 ވަނަ ފަހަރަށް ލިބިއްޖެ

އަލީ ރާޒީ

25 ނޮވެމްބަރ 2024 - 09:36

0 comments

ވޯލްޑް ޓްރެވަލް އެވޯޑްސްގެ "ވޯލްޑްސް ލީޑިން ޑެސްޓިނޭޝަން އެވޯޑް" ރާއްޖެއިން ފަސް ވަނަ ފަހަރަށް ދިފާއުކޮށްފި އެވެ.

މިއީ ވިދި ވިދިގެން އެ އެވޯޑު ރާއްޖެއަށް ލިބުނު ފަސް ވަނަ ފަހަރެވެ. އެ އެވޯޑުގެ އިތުރުން ވޯލްޑްސް ލީޑިން ގްރީން ޑެސްޓިނޭޝަން އެވޯޑު ވެސް ރާއްޖެއަށް ވަނީ ލިބިފަ އެވެ.

ޕޯޗުގަލްގެ މެޑީރާގައި ބޭއްވި އެ ހަފްލާގައި އެވޯޑާ ހަވާލުވެ ވަޑައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ.

ވޯލްޑް ލީޑިން ގްރީން ޑެސްޓިނޭޝަން އެވޯޑް ވެސް ލިބުނީ ރާއްޖެ އަށެވެ،

ވޯލްޑު ޓުރެވެލް އެވޯޑްސްއަކީ 1993 އިން ފެށިގެން ދުނިޔޭގެ ދަތުރުފަތުރުގެ ސިނާއަތުގައި އެންމެ ޝަރަފުވެރި އަދި އެންމެ ފާހަގަކޮށްލެވޭ އެވޯޑުތަކުގެ ގޮތުގައި މަޝްހޫރުވެފައިވާ އެވޯޑެވެ. އޭގެ ތެރޭގައި ސަރަހައްދީ، އަދި ދުނިޔޭގެ ފެންވަރުގެ ކެޓެގަރީތަކަށް ހާއްސަ އެވޯޑުތައް ހިމެނެ އެވެ.

ވޯލްޑް ލީޑިން ޑެސްޓިނޭޝަނުގެ މަގާމު އެންމެ ގިނައިން ހޯދާފައި ވަނީ ޔޫއޭއީ އިންނެވެ. ޔޫއޭއީއިން އެ އެވޯޑު ހަ ފަހަރު ހޯދާފައިވެ އެވެ.