ދިރާގު ވިން އަ ސްޕީޑުބޯޓު ޕްރޮމޯޝަންގެ ފުރުސަތު މިރޭ ހަމަވާނެ

އަލީ ރާޒީ

15 ޑިސެމްބަރ 2024 - 14:19

0 comments

ދިރާގު "ވިން އަ ސްޕީޑްބޯޓް" ޕްރޮމޯޝަންގައި މިރެއަށް ހަމަވާނެ ކަމަށް އެ ކުންފުނިން ބުނެފި އެވެ.

މި ޕްރޮމޯޝަންގައި މި މަހުގެ 15 ވަނަ ދުވަހުގެ 23:59 ގެ ނިޔަލަށް ބައިވެރިވުމުގެ ފުރުސަތު ވަނީ ހުޅުވާލައިފައެވެ.

މިއަހަރުގެ ސެޕްޓެންބަރު މަހުގައި ދިރާގުން ލޯންޗުކުރި މި ޕްރޮމޯޝަންއާ އެކު ދިރާގު ކަސްޓަމަރުންގެ ތެރެއިން ނަސީބުވެރި އެއް ފަރާތަކަށް
މުޅިން އައު އަލް ޝާލީ މެރިން މަޖެލަން 32 ބޯޓަކާ އެކު ޔަމަހާ އައުޓްބޯޑް ދެ އިންޖީނު ހޯދުމުގެ ފުރުސަތު ލިބިގެންދާނެ ކަމަށް ދިރާގުން ވަނީ ފާހަގަކޮށްފައެވެ.

ދިރާގުން މި ޕްރޮމޯޝަން ލޯންޗްކުރީ މިއަހަރުގެ ސެޕްޓެމްބަރު މަހު އެވެ. މި ޕްރޮމޯޝަންގައި ދިރާގު ކަސްޓަމަރުންގެ ތެރެއިން ނަސީބުވެރި އެއް ފަރާތަކަށް މުޅިން އައު އަލް ޝާލީ މެރިން، މަޖެލަން 32 ބޯޓަކާއެކު ޔަމަހާ އައުޓްބޯޑް ދެ އިންޖީނު ހޯދުމުގެ ފުރުސަތު ލިބިގެންދާނެ އެވެ.

މި ޕްރޮމޯޝަންގައި ދިރާގުގެ ހިދުމަތް މިހާރު ބޭނުންކުރަމުންދާ ޕްރީޕެއިޑް، ޕޯސްޓްޕެއިޑް އަދި ފައިބަ ބްރޯޑްބޭންޑް ކަސްޓަމަރުންނަށް ބައިވެރިވެވޭނެ އެވެ.

އެގޮތުން ޕްރީޕެއިޑް ޕްލޭންތަކަށް 400 ރުފިޔާ ނުވަތަ އެއަށްވުރެ މަތިން ރީޗާޖުކުރާ ކަސްޓަމަރުންނާއި ޕޯސްޓްޕެއިޑް 400 އަދި ލިމިޓެއްނެތް ފައިބަ 40އެމްއަށް ވުރެ މަތީގެ ޕްލޭންތަކަށް ސަބްސްކްރައިބްކުރާ ފަރާތްތަކަށް މި ޕްރޮމޯޝަންގެ ގުރުވަތުގައި ބައިވެރިވެވޭނެ އެވެ.

އެ ގޮތުން ހުރިހާ ކަސްޓަމަރުންވެސް ހާއްސަ ޕޯޓަލް މެދުވެރިކޮށް މިރޭގެ 11:59 ގެ ކުރިން މި ޕްރޮމޯޝަންގައި އެންރޯލްކުރަން ޖެހޭނެ ކަމަށް ދިރާގުން ވަނީ ބުނެފަ އެވެ. އަދި ކޮންމެ ކަސްޓަމަރަކަށްވެސް އެފަރާތެއްގެ ޝަރުތު ހަމަވާ ހުރިހާ ނަންބަރެއް ޕްރޮމޯޝަންގައި އެންރޯލްކުރެވޭނެ ކަމަށްވެސް ދިރާގުން ބުންޏެވެ.

މި ޕްރޮމޯޝަންގެ ބޮޑު އިނާމުކަމުގައިވާ އަލް ޝާލީ މެރިނ،ް މަޖެލަން 32 ސްޕީޑްބޯޓަކީ ރާއްޖޭގެ އެންމެ އިސް ސަފުގައި ހަރަކާތްތެރިވާ ބޯޓު
އެފުއްދުންތެރިން ކަމުގައިވާ އަލް ޝާލީ މެރިން މޯލްޑިވްސްއިން ފަރުމާކޮށްފައިވާ ލޯންޗެކެވެ. އަދި މި ހައި ސްޕީޑް ލޯންޗާއެކު މި ޕްރޮމޯޝަންގެ ނަސީބުވެރި ފަރާތަކަށް ޔަމަހާއިން މި ލޯންޗަށް ބޭނުންވާ 175 ހޯސްޕަވަރުގެ ދެ އައުޓްބޯޑް އިންޖީނު ވެސް ލިބިގެންދާނެއެވެ.

މީގެއިތުރުން ޔަމަހާއަކީ ރާއްޖޭގައި 50 އަހަރު ދުވަހުގެ ހިދުމަތުގެ ތަޖުރިބާ ލިބިފައިވާ، ދުނިޔޭގެ ނަން މަޝްހޫރ،ު އައުޓްބޯޑް އިންޖީނަށް ހާއްސަ ބްރޭންޑެކެވެ.

ދިރާގުގެ މެނޭޖަރު މާކެޓިން ކޮމިއުނިކޭޝަންސް، ހަސަން ޝާރިހް އާދަމް ވަނީ މި ހިތްގައިމު ޕްރޮމޯޝަން ނިމުމަކާ ގާތްވެފައިވާއިރު، އާންމުންގެ ފަރާތުން ލިބެމުންދާ ހޫނު ތަރުހީބު ފާހަގަކޮށްފަ އެވެ.

"މިއަދަކީ މި ޕްރޮމޯޝަނަށް އެންރޯލްވެވޭ އެންމެ ފަހު ދުވަސްކަމަށްވާ އިރު، މި އަގުހުރި އިނާމު ހޯދުމުގެ ފުރުސަތު އިތުރުކުރުމަށްޓަކައި ހުރިހާ ކަސްޓަމަރުންވެސް އެފަރާތްތަކުގެ ޝަރުތު ހަމަވާ ހުރިހާ ޕޯސްޓްޕެއިޑް، ޕްރީޕެއިޑް އަދި ފައިބަ ބްރޯޑްބޭންޑް ނަންބަރުތައް އެންރޯލްކޮށްފައިވޭތޯ ބަލާލުމަކީ އަޅުގަނޑުމެންގެ ވަރަށް ބޮޑު އިލްތިމާސެއް،" ޝާރިހް ވިދާޅުވި އެވެ.