ހދ. އަތޮޅު ތައުލީމީ މަރުކަޒުގެ ސެން ޔުނިޓަށް ބޭނުންވާ ވަސީލަތްތައް ދިރާގުން ހަދިޔާކޮށްފި

މަރިޔަމް އަނާ

17 ޑިސެމްބަރ 2024 - 10:34

0 comments

ހދ. އަތޮޅު ތައުލީމީ މަރުކަޒުގެ ސްޕެޝަލް އެޑިއުކޭޝަން ނީޑްސް (ސެން) ޔުނިޓަށް ބޭނުންވާ ވަސީލަތްތައް ދިރާގުން ހަދިޔާކޮށްފި އެވެ.

ދިރާގުން ހދ. އަތޮޅު ތައުލީމީ މަރުކަޒަށް ފޯރުކޮށްދިން ވަސީލަތްތަކުގައި އޮޓޮމެޓިކް ގޮނޑިއާއި ލޮކިންގް ގޮނޑީގެ އިތުރުން ކުލާހުގެ ސެންސަރީ އަދި އެކްޓިވިޓީ ޔުނިޓަށް ބޭނުންވާ ވަސީލަތް ހިމެނެ އެވެ.

ދިރާގުން ބުނީ އެ އެހީތެރިކަމުގެ ސަބަބުން ތަފާތު ނުކުޅެދުންތެރިކަން ހުންނަ ކުދިންނަށް ހާއްސަކޮށްގެން ހދ. އަތޮޅު ތައުލީމީ މަރުކަޒުގެ ސްޕެޝަލް އެޑިއުކޭޝަން ޔުނިޓްގެ ކްލާސްރޫމް ސެޓަޕް އިތުރަށް ފުރިހަމަވެގެންދާނެ ކަމަށެވެ.

އެ ރަސްމިއްޔާތުގައި ވާހަކަދައްކަވަމުން ދިރާގުގެ ކުޅުދުއްފުށި އޮޕަރޭޝަންސް ސެންޓާގެ އެސިސްޓަންޓް މެނޭޖާ އޮޕަރޭޝަންސް، މުޙައްމަދު އަލީ ވަނީ އެއްވެސް ކުއްޖަކު ބާކީނުވާނޭހެން މުޖުތަމައުގައި ޝާމިލު ކުރުމަށް އެއްބާރުލުން ދިނުމަކީ ދިރާގުން ހާއްސަ އަހަންމިއްޔަތުކަމެއް ދޭކަމެއް ކަމަށް ވިދާޅުވެފަ އެވެ.

އަދި އުއްމީދަކީ އެ ވަސީލަތްތަކުގެ ސަބަބުން ސްކޫލުގެ ޓީޗަރުން ކުރަމުން އަންނަ މިންނެތް މަސައްކަތަށް އިތުރު އެހީތެރިކަމެއް ލިބ،ި ހުރިހާ ކުދިންނަށް ވެސް ކުރިއެރުމާއި އުނގެނުމުގެ ފުރުސަތުތައް ތަނަވަސްވެގެންދިޔުން ކަމަށް އޭނާ ވަނީ ވިދާޅުވެފަ އެވެ.

ހދ. އަތޮޅު ތައުލީމީ މަރުކަޒުގެ ޕްރިންސިޕަލް މުޙައްމަދު މަތީން ވަނީ ސަންޝައިން ކްލާހަށް ދިރާގުން ފޯރުކޮށްދިން އެހީތެރިކަމަށް އެކުންފުންޏަށް ޝުކުރު އަދާކުރައްވާފައެވެ. އަދި ސަންޝައިން ކުލާހަށް ލިބުނު ވަސީލްތްތަކުގެ ސަބަބުން އިންކްލޫސިވް އެޑިއުކޭޝަން ފޯރުކޮށްދިނުމަށް ސްކޫލުން ކުރަމުންދާ މަސައްކަތަށް ބޮޑު ކުރިއެރުމެއް ލިބިގެންދާނެކަމަށް ޕްރިންސިޕަލް މަތީން ވަނީ ވިދާޅުވެފަ އެވެ.

ދިރާގަކީ ސީއެސްއާރު ޕްރޮގްރާމުގެ ދަށުން މިފަދަ އެކި އެހީތައް ފޯރުކޮށްދެމުން އަންނަ ކުންފުންޏެކެވެ.