ހެންވޭރު އަދި ހުޅުމާލެ ފެރީ ޓަރމިނަލް އާންމު ފެރީއަށް ހުޅުވާލަނީ

މަރިޔަމް އަނާ

06 މާޗް 2025 - 18:46

0 comments

އަތޮޅުތެރެއާއި މާލެއާ ދެމެދު ދަތުރުކުރާ ލޯންޗުތަކަށް އަރައިފޭބުމުގައި ދިމާވާ ޒަމާންވީ ތަކުލީފުތަކަށް ހައްލެއް ގެނައުމުގެ ގޮތުން، މާލޭގެ ދެ ފެރީ ޓާމިނަލަކަށް އެ ލޯންޗުތަކަށް ގާތް ކުރެވޭނެ ގޮތް ހަދަން މޯލްޑިވްސް ޓްރާންސްޕޯޓް އެންޑް ކޮނޓްރެކްޓިން ކޮންޕެނީ (އެމްޓީސީސީ)ން ނިންމައިފި އެވެ.

އެމްޓީސީސީން ބުނީ، އެ ދެ ބަނދަރު ބޭނުންކުރަން ބޭނުންވާ މީހުން މި މަހުގެ 10 ގެ ކުރިން ހުށަހަޅަން އެދޭ ކަމަށެވެ. އެ ކަމަށް އެދި ހުށަހަޅަން ޖެހެނީ tsd@mtcc.com.mv އަށް އީމެއިލް ކޮށްގެންނެވެ. އަދި 7978865 އިން އިތުރު މައުލޫމާތު ސާފުކޮށްދޭނެ ކަމަށް އެމްޓީސީސީން ބުންޏެވެ.

މިއާއެކު ރައްރަށުން މާލެ އަންނަ ފަރާއްތަކަށް ފަސޭހަކަމާއެކު ލަފާ ފުރުމުގެ ކަންކަން ހަމަޖެހިގެންދާނެއެވެ. އަދި ފަޅު ތެރޭގައި އުޅަނދު ފަހަރު ތޮއްޖެހުން ކުޑަކުރެވިގެންދާނެެއެވެ.

ހެންވޭރު ފެރީ ޓާމިނަލް އަދި ހުޅުމާލެ ފެރީ ޓާރމިނަލްގެ ބަނދަރު މީގެ ކުރިން ބޭނުންކުރަމުން އައީ އެމްޓީސީސީގެ އުޅަނދުތަކުން އެކަންޏެވެ.