ޚަބަރު
ކުޑަކުދިންނަށްދޭ ފޯމިއުލާއަކުން ޖަރާސީމު ފެނިގެން ވިއްކުން މަނާކޮށްފި
އެމެރިކާގައި އުފައްދާފައިވާ އިންފެންޓް ފޯމިއުލާ "ބައިހާޓް ހޯލް ނިއުޓްރިޝަން އިންފަންޓް ފޯމިއުލާ" ރާއްޖެއަށް އެތެރެކުރުމާއި ވިއްކުން މަނާކޮށްފި އެވެ.

އެމްއެފްޑީއޭ އިން ބުނީ ކުލޮސްޓްރިޑިއަމް ބޮޓުލިނަމް ޖަރާސީމުން ތަޣައްޔަރުވެފައި ވަނީ ބައިހާޓް ހޯލް ނިއުޓްރިޝަން އިންފެންޓް ފޯމިއުލާ ކަމަށެވެ.

އެމްއެފްޑީއޭ އިން ބުނި ގޮތުގައި އެމެރިކާގައި އުފައްދާ އެ ފޯމިއުލާ އިން ޖަރާސީމު ފެނިފައިވުމުގެ ސަބަބުން ބާޒާރުން ނެގުމަށާއި ނުވިއްކުމަށް އަދި ނައްތާލުމަށް އެމެރިކާގެ އެފްޑީއޭ އިން އަންގާފައިވާ ކަމުގެ މައުލޫމާތު ދުނިޔޭގެ ސިއްހަތު ޖަމިއްޔާގެ އިންޓަނޭޝަނަލް ފުޑް ސޭފްޓީ އޮތޯރިޓީސް ނެޓްވޯކް މެދުވެރިކޮށް ވަނީ ލިބިފަ އެވެ.

އެމްއެފްޑީއޭ އިން ބުނީ އެ ފޯމިއުލާ އިން ފެނުނު ޖަރާސީމަކީ ބޮޓުލިޒަމް ކިޔާ ބައްޔެއް ފަތުރާ ޖަރާސީމެއް ކަމަށެވެ.

އެހެންވެ، ރައްކާތެރިކަމުގެ ފިޔަވަޅެއްގެ ގޮތުން އެ ބްރޭންޑުގެ ހުރިހާ ބެޗެއް ވެސް ރާއްޖެއަށް އެތެރެކުރުމާއި ވިއްކުމަކީ މަނާކަމެއް ކަމަށް އެ އޮތޯރިޓީން ބުންޏެވެެ.

މި ޖަރާސީމަކީ "ބޮޓުލިޒަމް" ކިޔާ ބައްޔެއް ފަތުރާ ޖަރާސީމެކެވެ. އެހެންވެ ބައިހާޓްގެ ހުރިހާ ބެޗެއް ރާއްޖެ އެތެރެ ކުރުމާއި ވިއްކުން ވަނީ މަނާކޮށްފަ އެވެ.


ކިޔުންތެރިންގެ ޝުއޫރު
0%
0%
0%
0%
0 ކޮމެންޓް
މަގުބޫލު
އެންމެފަސް
އެންމެ ފަސް
އެންމެ މަގުބޫލު