ވެނެޒުއޭލާގައި މަރުވި މީހުންގެ އަދަދު 1430އަށް

ހުނައިދާ ޔާސިރު

28 ޖޫން 2026 - 11:11

0 comments

ވެނެޒުއޭލާއަށް އައި ބާރުގަދަ ދެ ބިންހެލުމުގައި ހަލާކުވެފައިވާ އިމާރާތެއްގެ ތެރެއިން މީހުން ހޯދަނީ

ވެނެޒުއޭލާއަށް އައި ބާރުގަދަ ބިންހެލުންތަކުގައި މަރުވި މީހުންގެ އަދަދު 1،430 އަށް އަރައިފި އެވެ.

ވެނެޒުއެލާގެ އިދިކޮޅު ފަރާތްތަކުން ހިންގާ ވެބްސައިޓެއްގައި 55،000އަށް ވުރެ ގިނަ މީހުން ގެއްލިފައިވާ ކަމަށް ލިސްޓުކޮށްފައިވީ ނަމަވެސް، ސަރުކާރުން ކަށަވަރުކޮށްދީފައިވަނީ ހަމައެކަނި އެތައް ސަތޭކަ ބަޔަކު ގެއްލިފައި ނުވަތަ އިމާރާތްތަކުގެ ދަށުގައި ތާށިވެފައިވާ ކަމެވެ. އެމެރިކާގެ ޖިއޮލޮޖިކަލް ސަވޭއިން ލަފާކުރާ ގޮތުގައި، މި ކާރިސާގައި ޖުމްލަ މަރުވި މީހުންގެ އަދަދު 10،000އަށް ވުރެ މައްޗަށް ދިއުން އެކަށީގެންވެ އެވެ. މިއާ އެކު، މިއީ ފާއިތުވި ގަރުނެއްހާ ދުވަހުގެ ތެރޭގައި ލެޓިން އެމެރިކާއަށް އައި އެންމެ ނުރައްކާތެރި އެއް ކާރިސާއަށް ވުމުގެ ފުރުސަތު އެބައޮތެވެ.

ބައިނަލްއަގުވާމީ އެހީތެރިކަން ވެސް ދަނީ އިތުރުވަމުންނެވެ. އެގޮތުން، އެމެރިކާއިން ކުރިން ދޭން ނިންމި 150 މިލިއަން ޑޮލަރުގެ އެހީގެ އިތުރުން، އެތައް ސަތޭކަ މިލިއަން ޑޮލަރެއްގެ އިތުރު ކާރިސާގެ އެހީ ފޯރުކޮށްދޭނެކަން އިއުލާންކުރާނެ ކަމަށް ބެލެވެ އެވެ.

ބިންހެލުންތަކުގައި މަރުވި މީހުންގެ އިތުރުން މަދުވެގެން 3،238 މީހަކު ޒަހަމުވެ 68،900 އަށް ވުރެ ގިނަ މީހުން ގެއްލިފައިވާ ކަމަށްވެސް ރިޕޯޓްތައް ބުނެ އެވެ.
ބިންހެލުންތަކުގައި އެންމެ ބޮޑަށް ގެއްލުން ލިބުނީ ވެރިރަށް ކަރާކަސް އާއި އައްސޭރިފަށުގެ ސްޓޭޓެއް ކަމަށްވާ ލާ ގުއާރާ އަށެވެ.