ހޯރަފުށީ ކައުންސިލް ކަޕް 2026: ފަސް ޓީމް ބައިވެރިވެއްޖެ

ޔޫނުސް އިބްރާހިމް

03 ސެޕްޓެމްބަރ 2026 - 18:07

0 comments

ހއ.ހޯރަފުށީ ކައުންސިލް އިދާރާއިން އިންތިޒާމްކޮށްގެން ބާއްވާ "ހޯރަފުށީ ކައުންސިލް ކަޕް 2026" ގައި ފަސް ޓީމް ބައިވެރިވެއްޖެ އެވެ.

މި މަހުގެ 13 އިން 26 އަށް ބާއްވާ މި މުބާރާތުގައި ވާދަކުރާ ޓީމް ތަކަކީ:

ދަންމަރު ޔުނައިޓެޑް
22 ސްޕޯޓްސް ކްލަބް
އެފްސީ ފްރިގޭޓަރ
ހޯރަ 22
އެފްސީ ފްރިގޭޓަރ ޔަންގް

މި މުބާރާތް ބޭއްވުމުގެ މަގުސަދަކީ ފުޓްސަލް ކުޅޭ ޒުވާނުންގެ ހުނަރު ދައްކާލައި، ހުނަރު އިތުރަށް ތަރައްގީކޮށް ފުޓްސަލްއިން ރަނގަޅު މުސްތަގުބަލެއް ހޯދައިދިނުމާއި، ކުޅުންތެރިން އަދި ފުޓްސަލް ޓީމްތައް އުފެއްދުމުގެ މަސައްކަތް ކުރާ އަމިއްލަ ފަރާތްތަކުގެ މެދުގައި ކުޅިވަރުގެ ތެރެއިން އެކުވެރިކަން ބަދަހިކުރުމާއި، އެންމެންނަކީ ވެސް ސިއްހީ ގޮތުން ދުޅަހެޔޮ ބަޔަކަށް ހެދުމެވެ.

މި މުބާރާތުގެ ފައިނަލް ކުޅޭނީ މި މަހު 26 ވަނަ ދުވަހު ގެ ރޭ 20:30 ގައި އެވެ.

މި މުބާރާތުގެ ޗެންޕިއަން ޓީމަށް 60000 ރުފިޔާގެ ފައިސާގެ އިނާމެއް ދިނުމަށް ހަމަޖެހިފަވާއިރު ދެ ވަނަ އަށް އަންނަ ޓީމަށް ދެނީ 25000 ރުފިޔާ އެވެ.